21 սեպտեմբերի 2011 թ.

Նկար 5

Առաջին 4 աշակերտները

Հիսուսը մոտ 30 տարեկան էր, երբ սկսվեց նրա ծառայությունը։ Այն բանից հետո, երբ Նա մկրտվեց Հովհաննես Մկրտչի կողմից (տե՛ս Մատթէոս 3:13-16) Հոգին նրան անապատ տարավ, որպեսզի սատանայի փորձություններին ենթարկվի։ Նա 40 օր ու 40 գիշեր ծոմ պահեց, որից հետո սատանան մի քանի անգամ փորձեց գայթակղել նրան, բայց չկարողացավ և տեղի տվեց՝ թողնելով նրան (տե՛ս Մատթէոս 4:1-11)։ Երբ Հիսուսն իմացավ, որ Հովհաննես Մկրտիչը բանտարկվել է, նա սկսեց քարոզել և աշակերտներ որոնել։

Մատթէոս 4:18-22
18	Մինչ Յիսուս Գալիլիայի ծովեզերքով քայլում էր, տեսաւ երկու եղբայրների՝ Սիմոնին, որ Պետրոս էր կոչւում, եւ նրա եղբայր Անդրէասին. ծովի մէջ ուռկան էին գցում, քանի որ ձկնորսներ էին:
19	Եւ նրանց ասաց. «Իմ յետեւի՛ց եկէք, եւ ես ձեզ մարդկանց որսորդներ պիտի դարձնեմ»:*
20	Եւ նրանք իսկոյն թողնելով ուռկանները՝ գնացին նրա յետեւից:
21	Եւ այնտեղից առաջ գնալով, տեսաւ երկու այլ եղբայրների՝ Զեբեդէոսի որդի Յակոբոսին եւ նրա եղբայր Յովհաննէսին, մինչ նաւակի մէջ էին իրենց հօր՝ Զեբեդէոսի հետ միասին եւ իրենց ուռկանները կարգի էին բերում. եւ նրանց էլ կանչեց:
22	Նրանք իսկոյն թողնելով նաւակը եւ իրենց հօրը՝ գնացին նրա յետեւից:
	*մարդկանց որսորդ (ձկնորս) լինել Ձկնորսին հաջողվում է ձկանը որսալ, քանի որ ձուկը քաղցած է, և ուտելիքը գրավում է նրան։ Ճիշտ այդպես՝ մարդիկ ճշմարտության քաղց ունեն, և կգան դեպի Հիսուսի աշակերտները, որպեսզի ստանան ճշմարտությունը, որը Հիսուսի մեջ է (տե՛ս Յովհաննէս 18:37)։