7 սեպտեմբերի 2011 թ.

Նկար 3

Հիսուսի ծննդից միառժամանակ անց Հերովդեսն իմանում է Մեսիայի ծննդյան մասին, որին հրեաները դարերով սպասում էին։ Նա պետք է իր համար մեծ պատիվ համարեր և հպարտանար, որ հենց իր թագավորության օրոք էր տեղի ունեցել այդ մեծ պատմական և աստվածային իրադարձությունը, որի մասին մարգարեները հայտարարել էին դեռ դարեր առաջ, և որին սպասում էին իսրայելցիների մեծ մասը։ Բայց դրա փոխարեն նրա հոգին խռովվեց, և նա անհանգստացավ, որ զրկվելու է իր գահից։ Նա հրամայեց սպանել Բեթղեհեմի և մերձակայքի բոլոր արական սեռի երեխաներին, ովքեր 2 տարեկան կամ դրանից փոքր էին, այսինքն՝ իր ստացած տեղեկության համաձայն՝ Հիսուսի տարիքի էին։

Ծանոթություն։ Այս դեպքն ամբողջությամբ նկարագրված է Մատթէոս 2:1-23-ում

Փախուստը Եգիպտոս

 

Մատթէոս 2:13 - 14
13	Եւ երբ նրանք այնտեղից գնացին, ահա Տիրոջ հրեշտակը երազի մէջ երեւաց Յովսէփին ու ասաց. «Վե՛ր կաց, վերցրո՛ւ այդ մանկանը եւ նրա մօրը ու փախի՛ր Եգիպտոս. եւ այնտեղ մնա՛ մինչեւ որ քեզ ասեմ. քանի որ Հերովդէսը փնտռում է այդ մանկանը կորստեան մատնելու համար»:
14	Եւ նա վեր կացաւ, առաւ մանկանն ու նրա մօրը, գիշերով, եւ գնաց Եգիպտոս...